Görkəmli oftalmoloq-alim, akademik Zərifə xanım Əliyevanın xatirəsi yad edilib.
Bu gün görkəmli oftalmoloq-alim, akademik Zərifə xanım Əliyevanın vəfatından 39 il ötür. Onun əziz xatirəsi Naxçıvan Muxtar Respublikası Maliyyə Nazirliyinin əməkdaşları tərəfindən yad edilib.
Tədbiri giriş sözü ilə açan Maliyyə Tədris Mərkəzinin direktoru Mehriban İmanova gözlərə işıq, qəlblərə nur bəxş edən Zərifə xanım Əliyevanın keçdiyi həyat yolundan, mənəvi dünyasından, oftalmologiya elminin inkişafındakı zəngin və çoxcəhətli xidmətlərindən bəhs edib. Vurğulanıb ki, Azərbaycan oftalmologiyasını dünya səviyyəsində tanıdan Zərifə xanımın elmi fəaliyyəti bu gün də müasir oftalmoloqlar üçün olduqca faydalı mənbədir.
Çıxışının sonunda Mehriban İmanova qeyd etdi ki, akademik Zərifə xanım Əliyevanın xatirəsi daim anılacaq, xalqımızın qəlbində şəfqətli həkim, ömrünü insanların sağlamlığına həsr etmiş ictimai xadim, sədaqətli həyat yoldaşı, qayğıkeş ana kimi əbədi yaşayacaqdır.
Sonda tədbir iştirakçıları üçün Zərifə xanım Əliyevanın həyat və fəaliyyətinə həsr edilmiş televiziya filmi nümayiş olundu.
Foto Qalereya
Böyütmək və baxmaq üçün şəkillərə klikləyin (1 foto)
Son Xəbərlər
Bütün Xəbərlər
"Büdcə sistemi haqqında”, “Sığorta fəaliyyəti haqqında” və “Hesablama Palatası haqqında” Azərbaycan Respublikasının qanunlarında dəyişiklik edilib
Naxçıvan Muxtar Respublikasının sosial-iqtisadi inkişafının sürətləndirilməsinə dair əlavə tədbirlər haqqında Azərbaycan Respublikası Prezidentinin Sərəncamı
